> Comunus > Arbus

Arbus

Si podet lòmpere in Arbus a discansu, passande dae s’Istrada Istatale 131 finas a Seddori, pighende a pustis s’Istrada Istatale 197 finas a Gùspini e pro acabare sa 126.

Sa bidda nàschet a unos 300 mètros subra su livellu de su mare a 15 km dae s’oru de mare e faghet unos 8.000 abitantes. Su territòriu est unu de is prus mannos e de is prus vàrios de sa Sardigna cun prus de 67 km de oru de mare. Su mare lìmpiu e s’arena colore do oro, in ue nde calant is costeras, s’oberrint luegu a is padentes e a is colores de is erbas de sartu.

Inoe si faghent festas medas. Pro fàghere unu esempru, sa festa de Santu Antoni dae Padova cun sa prucessioni in costùmene sardu e sa sàgra de sa Cabra, pro tzelebrabre s’importu mannu chi tenet su bestiàmene e totu su chi si faghet dae s’allevamentu. Finas dae is tempos prus antigos sa zona de Arbus est istàda rica de ràmene, prumu e prata. Pro custu in su sèculu XIX incumentzant is atividades de miniera e cun custas si pesant biddas interas imoe abandonadas. De importu mannu sunt is minieras de Ingurtosu e de Montibèciu inclùdidos in su Parcu Geomineràriu de sa Sardigna. Sa coghina est de is mellus: su casu de brabei o de cabra, s’ollu ghermanu, su meli e is durcis. Totu si podet comporare in is masserias e in is butegas.