> Comunus > Santu èngiu

Santu èngiu

Santu 'Èngiu, su nòmini ndi benit de su gentilìtziu latinu Gabinius. Monreale de su fatu chi sa bidda s’agatat acanta de su casteddu de Monreale. Bidda de 8800 abitantis, giai arremonada in su Tratau de paxi aìnturu de is Giudicaus de Casteddu e de Arborea de su 1206 e in is Arrendas pisanas de su Giudicau de Casteddu de s' annu 1323. S' agatànt  medas insediamentus nuraxesus, in sa toponomàstica (nòminis de logu) oindii s'agatant:  nuraxi scocca, nuraxi ortillionis, perdas fittas e perdas longas, nuratzeddu, ruinas mannas e ruineddas, perd’e ruxi, cuccur’e casu e cor’e molas. Bidda de su tzafaranu (si fait sa sagra in su mesi de onniasantu), connotu puru foras de s'ìsula. Logus de bisitai funt sa crèsia de Santa Crara, sa crèsia de Santa Cruxi e sa de Santa Teresa. Funt de importu mannu puru su Museu Etnogràficu Dona Maxima (una domu campidanesa cun su portali, sa lolla e su forru po su pani) e  s’ archìviu stòricu, chi est abertu po scolas, studiantis e po chini bolit connosci, gràtzias a is documentus,   sa stòria de Santu ‘Èngiu.