> Comunus > Sàrdara

Sàrdara

Sàrdara, bidda cun prus de 4.000 abitantis, est unu de is prus Comunus   de importu de sa provìntzia. Su tzentru stòricu si fait torrai agoa in su tempus: in Sàrdara agataus architeturas schetas de su Campidanu. Is bias, allichididas e beni tentas, fatas a imperdau o a tellatzas, si torrant atmosferas de àterus tempus.  Est connota po su Casteddu de Murriali, postu asuba de su cùcuru chi tenit su pròpiu nòmini, po su stabilimentu modernu de is bàngius e is bàngius romanus antigus, po su situ nuraxesu de Sant’Anastasia chi agataus aìnturu de bidda.

Bidda cun una sienda archeològica stravanada, presentada in su museu Villa Abbas, unu de is prus bellus de s’ìsula, chi s'agatat in pratza Libertà, prus connota comenti Pratza de Crèsia Manna. Sàrdara est connota fintzas po is bàngius de àcua callenti de Santa Mariàcuas.