> Comunus > Tuiri

Tuiri

Nàschidu in peis de Giara, su territòriu de sa Comuna de Tuili nde leat una parte manna de su pranu includende su pauli prus mannu e su pitzu prus artu (Zeparedda – 609 mt.s.l.m). In su pranu ddoi sunt padentes de matas de otigu e ìlixi, olias seculares, erbas e paulis. Is animales arestes sunt medas e de una bellesa chi nde leat su sulidu : is cuaddeddos de sa Giara, ratza de cuaddos chi bivet feti ingunis, sa buca de meli, su lèpiri, su mergiani e s’ischirru e in prus unos cantos de pillones comente a su stori, su tzrapadderi o stori de sa Reina Elionora, custu puru s’agatat feti in Sardigna e in pagu àteros logos, e su storitu. Su sartu est ricu de aposentamentos de su perìodu nuràgicu, pùnicu e romanu e is repertos sunt costoidos in su Museu Archeològicu Natzionale de Casteddu. In mesu bidda s’agatant invècias is domos de is Sennores e is domos campidanesas giai totus de sa fine de su sèc. XIX: villa Pitzalis e villa Asquer in ue sunt su museu de s’ollu e de is matas de olia e cussu de is istrumentos musicales sardos. De importu mannu sunt sa crèsia de Santu Pedru de su 1489 in stili gòticu-catalanu, sa crèsia de Santu Antoni, bessendi de sa bidda e sa cresiedda in sa Giara. Dae su 1999 in Tuili si podet visitare su parcu de sa “Sardegna in miniatura”, 50.000 m.q. in ue sunt torrados a fàghere a piticu is monumentos prus bellos de totu sa Sardigna.

In beranu si faghet sa festa de su Pani Arrùbiu, unu civraxu pintau in arrùbiu fatu cun croxu de aràngiu, pabassa e tzafaranu.